16.08.2011 18:53
මුහුදුබඩ දුම්රිය මාර්ගයේ ගාල්ල සිට ඉඳුරුව අතර කොටස් නවීකරණය කිරීම සඳහා සැප්තැම්බර් මස 1 වැනිදා සිට මාස 6ක් පුරා ගාල්ල – ඉඳුරුව අතර දුම්රිය ධාවනය අත්හිටුවන බව දුම්රිය දෙපාර්තමේන්තුව කියයි.
මෙම කාලයේ අලුත්ගම සිට කොළඹ කොටුව හා මරදාන දක්වාත් ගාල්ල සිට මාතර දක්වාත් පමණක් දුම්රිය ධාවනය කෙරේ.
දුම්රිය ධාවනය නොවන කාලසීමාවේ මගීන්ගේ ගමන් පහසුව සඳහා ශ්රී ලංගම බස් රථ යෙදවීමට ප්රවාහන අමාත්යාංශය පියවර ගනු ලැබේ.
ගාල්ල සිට ඉඳුරුව දක්වා දුර කිලෝ මීටර් 54.2 කි. මෙහි ප්රථම අදියර ලෙස මාතර සිට ගාල්ල දක්වා මාර්ගය ඉදිකෙරුණු අතර, එම කොටස කිලෝ මීටර් 43 කි.
ඉන්දියාවේ ඉර්කොන් සමාගම ඉදිකිරීම් සිදුකරනු ලැබේ
2011 අගෝස්තු 16 වෙනි අඟහරුවාදා, 15:1
ජාතික ශිල්ප සභාවේ මෙහෙයවීමෙන් බතික් කලාව සඳහා ආධුනිකයින් පුහුණු කිරීමේ සය මාසික පුහුණු පාඨමාලාවක් බත්තරමුල්ල ජාතික ශිල්ප සභා අත්කම් ගම්මානයේ දී ආරම්භ වේ.
මෙය සතියේ දින පහක දී පෙ.ව. 8.30 සිට ප.ව 2.00 දක්වා පූර්ණ කාලීන පාඨමාලාවක් ලෙස නොමිලේ පැවැත්වෙයි. වයස් සීමාවක් නොමැති අතර ඕනෑ ම අයෙකුට ඉල්ලුම් කළ හැකිය.මෙම පාඨමාලාව මඟින් දේශීය බතික් කර්මාන්තයට නවකයින් පුහුණු කිරීම සහ ඒ මඟින් බතික් කර්මාන්තය නගාසිටුවීමත් රැකියා විරහිත පිරිස් සඳහා ස්වයං රැකියා ලෙස බතික් කලාව හඳුන්වා දීමත් අපේක්ෂා කෙරේ.
ජාතික ශිල්ප සභාවේ සභාපති බුද්ධි කීර්තිසේන මහතාගේ උපදෙස් මත චිත්ර සහ බතික් නිර්මාණ ශිල්පී කොල්වින් සෙට්ටිනායක මහතා පාඨමාලාව මෙහෙයවයි.
ජාතික ශිල්ප සභාවේ සභාපති බුද්ධි කීර්තිසේන මහතාගේ උපදෙස් මත චිත්ර සහ බතික් නිර්මාණ ශිල්පී කොල්වින් සෙට්ටිනායක මහතා පාඨමාලාව මෙහෙයවයි.
වැඩි විස්තර ජාතික ශිල්ප සභාවේ 0112785381 සහ 0774447513 යන දුරකතන අංක ඔස්සේ සංවර්ධන සහකාර ආනන්ද ජයසිංහ මහතා ඇමතීමෙන් ලබාගත හැකි ය.
ශ්රී ලංකා යුද හමුදාවේ ජ්යෙෂ්ඨ නිලධාරියෙක් වන මේජර් ජෙනරාල් උදය පෙරේරා මහතාට එක්සත් ජනපද යුද විද්යාලයේ ජාත්යන්තර ශිෂ්ය සංගමයේ සභාපතිධූරය හිමි ව ඇත.
මෙරට ඉතිහාසයේ යුද හමුදා නිලධාරියෙක් මෙවැනි නිලයකට පත් වූ පළමු අවස්ථාව මෙය වන අතර, උදය පෙරේරා මහතා මෙම තනතුරට තේරී පත් ව ඇත්තේ ලොව පුරා රටවල් 67ක යුද හමුදාවලට අයත් ජ්යෙෂ්ඨ නිලධාරීන් පිරිසක් අතරිනි.
ආරක්ෂක අමාත්යංශය
2011 අගෝස්තු 15 වෙනි සදුදා, 20:00
ජනාධිපති මහින්ද රාජපක්ෂ මැතිතුමා අද (15) මහනුවර ශ්රී දළදා මාලිගාවට පැමිණ දළදා සමිඳුන් වැඳපුදා ගෙන ආශිර්වාද ලබාගත් බව ජනාධිපති මාධ්ය අංශය පවසයි.
පූජ්ය තිබ්බටුවාවේ මේධංකර හිමියෝ, ජනාධිපතිතුමන්ගේ සුරතේ පිරිත් නූල් බැඳ සෙත් පැතූහ.
අනතුරු ව දළදා මාලිගාවේ කතරගම දේවාලය වන්දනාමාන කිරීමට ගිය ජනාධිපතිතුමන් එහිදී දේව පූජාවකට ද සහභාගි විය. එහිදී සෝමස්කන්ද අයියර් ප්රධාන පූජකතුමන් විසින් ජනාධිපතිතුමා වෙත සළුවක් පළඳවන ලදී.
අනතුරු ව පූජාභූමියේ වැල්බෝධිය වෙත ගොස් ජනාධිපතිතුමා ආගමික වතාවත්වල නිරත විණි.
මධ්යම පළාත් ආණ්ඩුකාර ටිකිරි කොබ්බෑකඩුව, ජනාධිපති කාර්ය මණ්ඩල ප්රධානී ගාමිණී සෙනරත් සහ දියවඩන නිලමේ ප්රදීප් නිලංග දෑල මහත්වරු ද ජනාධිපතිතුමා සමඟ එක් ව සිටියහ.
Hc
Sunday 14 August 2011
මේ අතර මෙරට ප්රථම අලි සංගණනය 11 දා සිට සාර්ථකව පැවැත්වෙන බවත් රට පුරා ස්ථාන 1500 කදී නිලධාරීන් 4500 ක් එයට එක්වූ බවත් වනජීවී හා ගොවිජන සේවා ඇමැති එස්. එම්. චන්ද්රසේන මහතා පසුගිය සිකුරාදා පැවැසීය.
අලි සංගණනයේ ඇතැම් රාජ්ය නොවන සංවිධාන ඉවත් වූ කථාව අසත්ය බවත් ඇමැතිවරයා කීය.
මොන බාධක ප්රශ්න ආවත් අලි සංගණනය ඉතා සාර්ථක බවත් රටපුරා සියලු ප්රදේශවල 11 සිට 13 වැනිදා දක්වා දිවා රාත්රී මෙම සංගණනය පැවැති බව ද ඇමැතිවරයා කීය.
අලි මිනිස් ගැටුම් අවම කිරීමටත් අලි සංරක්ෂණයට අවශ්ය ඉදිරි සැලැසුම් සකස් කිරීමටත් මෙරට සිටින අලි හා ඇතුන් ප්රමාණය නිවැරැදිව සොයා ගැනීම ඉතා වැදගත් බවත්, ඒ සඳහා වනජීවි සංරක්ෂණ දෙපාර්තමේන්තුව මෙම සංගණනය කළ බවත් වනජීවි සංරක්ෂණ අධ්යක්ෂ ජනරාල් එච්. ඩී. රත්නායක මහතා පවසයි.
උතුර ද නැගෙනහිර පළාත්වල සිටින අලි ඇතුන් පිළිබඳව කිසිම සංගණනයක් මෙතෙක් කර නැති බවත් මුලතිව් වැනි ප්රදේශවල අලි විශාල ලෙස සිටින ප්රදේශ බවත් ඒ අනුව මෙය මෙරට දීප ව්යාප්තව සිදු කෙරෙන ප්රථම අලි සංගණනය ලෙස මෙය ඉතිහාසයට එක්වන බව වනජීවි අධ්යක්ෂ ජනරාල් එච්. ඩී. රත්නායක මහතා පවසයි.
මෙම සංගණනය සඳහා යුද හමුදා හා සිවිල් ආරක්ෂක සේනා නිලධාරීන් මෙන්ම වනජීවි සංරක්ෂණ දෙපාර්තමේන්තුවේ සියලුම පිරිස උදව් කළ බවත් ඒ පිළිබඳව ඒ සියලු දෙනාට ස්තුති වන්ත වන බවත් එච්. ඩී. රත්නායක මහතා පවසයි.
මහනුවර ඓතිහාසික ඇසළ පෙරහැර මංගල්යය ගුණාත්මක ව සහ වඩා අලංකාර ලෙස පවත්වා ගෙන යාම පිණිසත් ශ්රී දළදා මාලිගාව සහ සතර දේවාලවල සංවර්ධන කටයුතු සඳහා ත් ඇසළ පෙරහැර භාර අරමුදලින් රුපියල් ලක්ෂ 37ක් ලබා දීමට කටයුතු යොදා ඇති බව ඇසළ පෙරහැර භාරයේ බලයලත් නිලධාරි ගඟවට කෝරළේ ප්රාදේශීය මහ ලේකම් බණ්ඩාර තෙන්නකෝන් මහතා පැවසූ බව මහනුවර අප දිස්ත්රික් මාධ්ය ඒකකය දැනුම් දෙයි.
එම මුදලින් ශ්රී දළදා මාලිගාව සඳහා රු. ලක්ෂ 09ක් ද නාථ, විෂ්ණු, පත්තිනි හා කතරගම යන සතර දේවාල සඳහා රු. ලක්ෂ 07 බැගින් රු. ලක්ෂ 28ක් ද මහනුවර ජනාධිපති මන්දිරයේ දී අද (14) පැවැත්වෙන පෙරහැර සමාප්ති උත්සවයේ දී ජනාධිපති මහින්ද රාජපක්ෂ මැතිතුමා අතින් පිරිනැමීමට නියමිතය.
